明星大侦探顶牛唱会 所有恐怖童谣都係周深唱的？
《明星大侦探》
要开演唱会呢件事
我哋前两日介绍过阵容
《明星大侦探》搞超强阵容演唱会
本身以为係
会同第一集剧情衔接
点知佢真係一个
单纯嘅演唱会
而且呢个演唱会
係要付费观看
为咗呢个问题
网友又吵咗一轮
不过今年好多线上演唱会
都係付费嘅形式
所以都唔係先例
而且呢个演唱会
同探案嘅正片唔一样
根据需求选择就得
价钱都几实惠
虽然係付费演唱会
不过歌手本人都有po视频
而且因为阵容强大
今日几乎承包咗热搜榜
同时有好多个话题在线
当然其中最恐怖嘅
就係呢个↓
原来明侦节目入面
所有嘅恐怖童谣
都係周深唱噶!!!
喺NZND顶牛演唱会上
周深现场演唱咗
明侦恐怖嘅案件之一
天堂岛特辑入面嘅
天堂岛之歌
本身谂起个案件
都觉得有d惊惊地
首歌经过重新编曲
加上周深特别嘅声线
简直听到大家毛骨悚然
诚邀大家一齐观赏!
d歌词加上个氛围
成个舞台设计嘅风格
仲有周深嘅表情都得人惊
现场各位嘉宾
听到嘅反应
都非常真实
佢唱咗所有
节目入面恐怖童谣呢件事
其实係周深自曝嘅
仲威胁嘉宾话
如果唔帮佢投票
“下一部恐怖童谣唱的就是你”
好惊!!
其实个演唱会
都唔係只有恐怖嘢
温情嘅part都好hit!
就係魏高管魏晨唱《成全》
喺之前《又冲不上的云霄》
案件嘅情节之中
魏晨同王鸥有感情线
好多网友睇完
都觉得案件入边
鸥空姐同魏高管嘅感情
好唏嘘
而且呢首歌
都係融喺剧情之中嘅
今次演唱会魏晨真係
唱咗《成全》
节目组仲将之前案件中
嘅片段剪咗入去
睇到人真係好有代入感
好多网友都like成全cp
睇到呢个舞台
都纷纷表示
好催泪
个舞台仲有咩看点?
当然要睇NZND组合
老成员嘅表演
比如话高人气嘅撒微笑
呢个角色喺节目入边
撩过无数妹
娱乐圈嘅“海王”就拣咗一首《大海》
仲直接放言就係唱俾
喺节目中佢每期都撩嘅
鸥记者，鸥新娘、鸥校花...
一齐来听下
撒微笑人气真係好高
连王霏霏都当佢偶像
为佢倾情演唱咗一曲
《hello，撒微笑》
白rap就同魏民谣
即係白敬亭魏大勋
合唱《他只是经过》
佢个泪痣妆
真係迷倒唔少少女
不过最有point嘅
都係官方自己嘅吐槽
点解NZND咁多“黑料”
都仲有粉丝?
何美男都好疑惑
呢个演唱会你觉得
值唔值得9蚊9?
希望新一季嘅明侦
可以俾到我哋惊喜嘅故事案情啦!
